ट्याक्टरको ब्रेक फेल भएर सडकको भित्तामा ठोक्किएपछि

कालीकोटको खाँडाचक्र नगरपालिका–४ मौलाकाटियामा ट्याक्टर दुर्घटना भएको छ।

जुम्ला–सुर्खेत सडकखण्डमा सुर्खेतबाट इँटा बोकेर जुम्लातर्फ जाँदै गरेको क.प्र. ०२००१ त ००१२ नम्बरको ट्याक्टरको ब्रेक फेल भएर सडकको भित्तामा ठोक्किएको प्रहरीले जनाएको छ।

दुर्घटनामा कालीकोट रास्कोट नगरपालिका–९ का चालक गणेश लुहार घाइते भएका छन्। उनको बायाँ आँखामाथिको भाग र ओठमा चोट लागेको छ। घाइतेको अवस्था मध्यम रहेको प्रहरीले जानकारी दिएको छ।

घाइते लुहारलाई उपचारका लागि जिल्ला अस्पताल मान्म, कालीकोट पठाइएको प्रहरी निरीक्षक गोविन्द चौधरीले जानकारी दिए।