घर पोत्ने बाटो खन्ने क्रममा माटोको ढिस्को खस्दा ६ जना घाइते

असार ३ गते, हुम्ला — सिमकोट गाउँपालिका वडा नम्बर ४ स्थित बुराउसे भन्ने स्थानमा बाटो खन्ने क्रममा अचानक माथिबाट माटोको ठूलो ढिस्को खसेर ६ जना घाइते भएका छन्।

घटनास्थलमा बाटोमा ग्याबिन भर्ने जग खन्ने काम भइरहेको बेला माटोको ढिस्कोले पुरिँदा कामदारहरू बीच बाजुरा जिल्ला जगन्नाथ गाउँपालिका १ का २५ वर्षका पदम सार्की, सिमकोट गाउँपालिका ४ की २२ वर्षीया शर्मिला बिक, २३ वर्षीया सुबित्रा बिक, ५४ वर्षीया हिरा लामा, ४० वर्षीया पेमा लामा र ५० वर्षीया डोल्मा लामालाई चोट लागेको हो।

प्रहरी हवलदार बरिन्दर बानियाका अनुसार, घाइते सबैलाई तत्काल उद्धार गरी एम्बुलेन्समार्फत जिल्ला अस्पताल सिमकोट लगिएको छ।

• पदम सार्कीको ढाडमा गम्भीर चोट लागेको छ।

• शर्मिला बिकको निधारको दाहिने भागमा चोट लागेको छ।

• सुबित्रा बिकलाई बाहिरी चोट नभए पनि अन्य ३ जना (हिरा, पेमा र डोल्मा लामालाई) सामान्य चोट लागेको बताइएको छ।

सबै घाइतेहरूको उपचार जारी रहेको प्रहरीले जनाएको छ।