राजधानीका विभिन्न स्थानमा धारिलो हतियार देखाई चोरी तथा लुटपाट गर्दै आएका तीनजनालाई प्रहरीले पक्राउ गरेको छ। पक्राउ पर्नेमा उदयपुरका २० वर्षीय अमृत तामाङ, रामेछापका २६ वर्षीय सागर घिसिङ तथा सुनसरी इनरुवाका ४५ वर्षीय पशुपति प्रजापति रहेका छन्।
प्रहरीले मङ्सिर ११ गते काठमाडौं महानगरपालिका–२६ को सडक खण्डबाट लुटपाटमा प्रयोग भएको बा ६५ प २४१२ नम्बरको पल्सर मोटरसाइकलसहित तामाङ र घिसिङलाई नियन्त्रणमा लिएको हो। अनुसन्धानका क्रममा उनीहरूले लुटेको सामान पशुपति प्रजापतीलसँग बिक्री गरेको स्वीकारेपछि प्रजापतीलाइ पनि पक्राउ गरिएको जिल्ला प्रहरी परिसर काठमाडौंले जनाएको छ।
काठमाडौं जिल्ला अदालतबाट पाँच दिनको म्याद थपी तीनै जनामाथि थप अनुसन्धान भइरहेको प्रहरीले जनाएको छ।
बरामद भएका वस्तुहरू
- बा ६५ प २४१२ नम्बरको पल्सर मोटरसाइकल
- विभिन्न कम्पनीका ३२ थान मोबाइल फोन
- १२.२५० ग्राम सुनको जस्तो देखिने सिक्री
- रु. ६,४९५ नगद
- धारिलो हतियार (चक्कु) १ थान
प्रहरीका अनुसार यी व्यक्तिहरू लामो समयदेखि राजधानीका विभिन्न स्थानमा दिन–रात दुवै समयमा नागरिकलाई डरधम्कीद्वारा लुट्ने कार्यमा संलग्न हुँदै आएका थिए।
Posts
