नुवाकोट, वैशाख ३। नुवाकोटको शिवपुरी गाउँपालिका–७ स्थित गुरुङगाउँमा यात्रुवाहक विद्युतीय माइक्रोबस दुर्घटना हुँदा दुई बालबालिकासहित १० जना यात्रु घाइते भएका छन्।
काठमाडौँबाट त्रिशूलीतर्फ जाँदै गरेको बागमती प्रदेश ३–००१ ज ९३४ नम्बरको माइक्रोबस बुधवार माछापोखरी–टोखा–छहरे–त्रिशूली सडकखण्डमा दुर्घटना भएको हो। दुर्घटनामा परेका घाइतेमध्ये दुई बालबालिका, छ महिला र चार पुरुष रहेका छन्।
जिल्ला प्रहरी कार्यालय नुवाकोटका डिएसपी विक्रम लामाका अनुसार घाइते सबैको नुवाकोट जिल्ला अस्पताल त्रिशूलीमा उपचार भइरहेको छ। घटनाका सम्बन्धमा थप अनुसन्धान भइरहेको प्रहरीले जनाएको छ।
Posts
