पोखरा विमानस्थलमा अवतरण गर्न लागेको बुद्ध एयरको जहाजमा गिद्ध ठोक्कियो

मङ्सिर १३, काठमाडौँबाट पोखराका लागि उडेको बुद्ध एयरको एउटा जहाजमा अवतरणका क्रममा चरा ठोक्किएको छ। पोखरा विमानस्थलमा आज दिउँसो ३:४५ बजे अवतरण गर्ने क्रममा जहाजसँग चरा ठोक्किएको बुद्ध एयर पोखरा स्टेशनका प्रबन्धक गौतम बरालले जानकारी दिए ।

विमानसँग ठोक्किएको चरा गिद्ध भएको प्रारम्भिक अनुसन्धानले देखाएको बुद्ध एयर पोखरा कार्यालयले जनाएको छ ।

उनका अनुसार चरा ठोक्किँदा जहाजको ‘प्रोपेलर ब्लेड’ केही क्षतिग्रस्त भएको छ।  विमानमा ६८ जना यात्रु थिए । सबै यात्रु तथा चालक दल सुरक्षित रहेको बुद्ध एयरले जनाएको छ । अब क्षति मूल्यांकन र मर्मतपछि मात्रै विमान पुनः उडानयोग्य बन्नेछ ।।