कात्तिक १३, संयुक्त राष्ट्र सङ्घका महासचिव एन्टोनियो गुटेरेस आज दिउँसो पोखरा आउँदै छन् ।
गुटेरेस नेपाली सेनाको हेलिकोप्टरबाट पोखरा आउने कार्यक्रम तय भएको हो । उनी सिधै १ः५० मा पोखराको पुरानो विमानस्थल अवतरण हुने छन् ।
उनलाई स्वागत गर्न गण्डकीका मुख्यमन्त्री सुरेन्द्रराज पाण्डे, पोखरा महानगर प्रमुख धनराज आचार्य, कास्कीका प्र जि अ वासुदेव घिमिरे लगायतले विमानस्थलमा स्वागत गर्ने कार्यक्रम रहेको छ ।
एक रात पोखराको बसाइ पछि उनी मङ्गलवार बिहान अन्नपूर्ण आधार शिविर(एबिसी) जाने कार्यक्रम तय भएको छ छ ।
जलवायु परिवर्तनका कारण सर्वसाधारणको जनजीवनमा परेका असरबारे सर्वसाधारणसँग समेत कुरा गर्नुहुनेछ ।
साढे ७ बजे आधार शिविरबाट उहाँ पोखरा विमानस्थल फर्कने कार्यक्रम तय भएको छ भने सवा ८ बजे उनी पोखरा विमानस्थलबाट लुम्बिनी प्रस्थान गर्ने छन् ।
Posts
