काठमाडौं, वैशाख १। नेपालले आइसिसी यु–१९ विश्वकप एसिया छनोटमा लगातार दोस्रो जित दर्ता गर्न सफल भएको छ। सोमबार मुलपानीस्थित माथिल्लो क्रिकेट मैदानमा भएको खेलमा नेपालले ओमानलाई नौ विकेटले सहज रुपमा पराजित गरेको हो।
ओमानले प्रस्तुत गरेको एक सय १८ रनको लक्ष्य नेपालले १४.३ ओभरमा मात्र दुई विकेट गुमाएर पुरा गर्यो। नेपालका लागि निरजकुमार यादवले उत्कृष्ट प्रदर्शन गर्दै ४६ रनको योगदान दिए भने साहिल पटेलले ४३ रन बनाए। कप्तान नरेन भट्ट १२ रनमा र सन्तोष यादव १० रनमा अविजित रहनुभयो।
नेपालका लागि निरज र साहिलले पहिलो विकेटका लागि ८५ रनको बलियो साझेदारी गर्दै टोलीलाई जिततर्फ डोऱ्याएका थिए। ओमानका बलर सौम्यभविन सम्पतले नेपालका दुवै विकेट लिएका थिए।
यो जितसँगै नेपालले चार अङ्क जोडेको छ भने लगातार दोस्रो हार बेहोरेको ओमानले अझै अङ्कको खाता खोल्न सकेको छैन।
.jpg)
.jpg)
Posts
