दुर्घटना मङ्गलबार अपरान्ह ४ बजेतिर पुतली चोकबाट सोल्टी बजारतर्फ गइरहेका दुई मोटरसाइकल — प्रदेश–३–०२–००६ प ७८६८ र बा. ५६ प ५२६ नम्बरका — एकआपसमा ठोक्किएर भएको हो।
इलाका प्रहरी कार्यालय हरिवनका प्रहरी निरीक्षक किशोर तामाङका अनुसार, दुर्घटनामा रौतहटको बिसुनपूर्वा गाउँका ३३ वर्षीय नागेन्द्र साह सोनार र काठमाडौं महानगरपालिका–२३, बसन्तपुर निवासी ३० वर्षीय विवेक मानन्धरको मृत्यु भएको हो। उनीहरूलाई उद्धार गरेर चन्द्रनिगाहपुर अस्पताल लैजाँदै गर्दा चिकित्सकले मृत घोषणा गरेका थिए।
दुर्घटनामा भारतको बिहार राज्य बकुलिया निवासी ३४ वर्षीया मुनिदेवी साह सोनार र रौतहटको बिसुनपूर्वा निवासी ३२ वर्षीया चनचलदेवी साह घाइते भएकी छन्। उनीहरूको प्रारम्भिक उपचार बागमती मोडेल अस्पतालमा गरिएको छ भने थप उपचारका लागि वीरगञ्ज पठाइएको प्रहरीले जानकारी दिएको छ।
प्रहरीका अनुसार मोटरसाइकलको तीव्र गति नै दुर्घटनाको सम्भावित कारण हुनसक्ने प्रारम्भिक आकलन गरिएको छ। यद्यपि घटनाको थप अनुसन्धान भइरहेको जनाइएको छ।
Posts
