बुढानिलकण्ठमा जेनजी आन्दोलनकारीको आक्रमण, देउवा–राणा घाइते

भदौ २४ ।

जेनजी आन्दोलनकारीले बुढानिलकण्ठस्थित कांग्रेस सभापति शेरबहादुर देउवा र परराष्ट्रमन्त्री आरजु राणामाथि आक्रमण गरेको भनिएको भिडिओ सामाजिक सञ्जालमा तीव्र रुपमा भाइरल भएको छ। सो भिडिओमा दुबै जना रगताम्य अवस्थामा देखिएका छन्।

सुडकेशसहित रहेका देउवा र राणामाथि आन्दोलनकारीले हातपात र आक्रमण गरेको दाबी गरिएको छ। आन्दोलनकारीले बुढानिलकण्ठस्थित निवासमा आगजनीसमेत गरेका थिए। त्यस्तै विभिन्न नेता तथा मन्त्रीहरूको घरमा समेत तोडफोड र आगजनी भएको पुष्टि भएको छ।

आन्दोलन व्यापक हुँदै गएपछि सुरक्षा निकायका प्रमुखहरूले शान्ति र संयम कायम राख्न आग्रह गरेका छन्। उनीहरूले संवादमार्फत समस्याको समाधान खोज्न सबै पक्षसँग अपिल गरेका छन्।

त्यसैबीच आन्दोलनको चाप र बढ्दो असन्तोष सहन नसकी प्रधानमन्त्री केपी शर्मा ओलीले पदबाट राजीनामा दिएका छन्। यससँगै नेपालको राजनीति नयाँ मोडमा प्रवेश गरेको टिप्पणी राजनीतिक वृत्तमा गरिएको छ।