काठमाडौँ, असोज २६ गते।
अख्तियार दुरुपयोग अनुसन्धान आयोग, टङ्गालले चिकित्सा विज्ञान राष्ट्रिय प्रतिष्ठान (वीर अस्पताल) का लेखा अधिकृत ढुण्डीराज दाहाललाई घुस रकमसहित नियन्त्रणमा लिएको छ।
आयोगका अनुसार दाहालले विभिन्न सप्लायर्स कम्पनी र ठेकेदारलाई बिल भुक्तानीको क्रममा घुस रकम लिई कार्यकक्षमै लुकाएर राखेको भन्ने सूचनाका आधारमा अख्तियारको टोलीले उनलाई पक्राउ गरेको हो।
कार्यालयमा छापा मार्दा रु. १ लाख २० हजार ८ सय ५० रुपैयाँ नगद घुस रकम, एक थान मोबाइल फोन र सम्बन्धित कागजातहरू बरामद गरिएको आयोगले जनाएको छ।
अख्तियारका प्रवक्ता राजेन्द्रकुमार पौडेलका अनुसार, पक्राउ परेका दाहालविरुद्ध भ्रष्टाचारसम्बन्धी थप अनुसन्धान जारी छ।
Posts
