मलेसियामा १६४ नेपाली जेलमा, हत्या आरोपमा मात्रै १९ जना

क्वालालम्पुर — मलेसियाका विभिन्न कारागारमा हाल १ सय ६४ जना नेपाली थुनामा रहेका छन्। क्वालालम्पुरस्थित नेपाली दूतावासका तथ्याङ्कअनुसार तीमध्ये सबैभन्दा धेरै ६५ जना आप्रवासनसम्बन्धी मुद्दामा पक्राउ परेका छन्। 

त्यस्तै, १९ जना नेपालीमाथि हत्या अभियोग दर्ता भएको छ भने ३१ जना फौजदारी मुद्दामा जेल सजाय भोगिरहेका छन्। लागूऔषधसम्बन्धी मुद्दामा २८ जना र मिश्रित लागूऔषध मुद्दामा थप २१ जना थुनामा रहेको दूतावासले जनाएको छ।

दूतावासका अनुसार मलेसियामा कामदार व्यवस्थापन, कानुनी कडाइ र आप्रवासनसम्बन्धी कडा निगरानीका कारण पछिल्ला वर्षहरूमा नेपालीहरू कानुनी झमेलामा पर्ने क्रम बढेको छ। 

आप्रवासन कागजात अपूर्ण हुनु, ठगी तथा दलालको जालमा परिनु, र कानुनी प्रक्रियाबारे जानकारीको अभाव मुख्य कारण रहेको स्थानीय अधिकारीहरूले बताउँदै आएका छन्।