‘शुरूमा सार्वजनिकस्थलमा धूम्रपानजन्य पदार्थ बिक्री वितरण गर्न नपाइने व्यववस्था गरेका थियौं, अब सार्वजनिक स्थलमा बेच्नमात्र होइन खानसमेत नपाइने व्यवस्था गर्न लागेका हौं’–प्रहरी बल प्रमुख पाण्डेले भन्नुभयो । उहाँका अनुसार सार्वजनिक स्थलको सय मिटर वरपर बेच्न नपाइने व्यवस्थालाई यथावत राखी त्यसबाहेकको क्षेत्रमा सेवन गर्न नपाइने व्यवस्था गर्ने निर्णय गरेको हो ।
महानगरले विद्यालय, अस्पताल, पार्कलगायतका स्थलमा धूम्रपान सेवन गर्न पूर्ण निषेध गरेका जानकारी दिँदै पाण्डेले भन्नुभयो– ‘नेपाल प्रहरीको सहयोगमा व्यापक जनचेतना शुरू गरिरहेका छांै, अब पूर्ण रूपमा धूम्रपान निषेध स्थल बनाउने तयारी गरिरहेका छौं ।’
पाण्डेका अनुसार साउन ३२ गतेसम्म सार्वजनिक क्षेत्रमा धूम्रपान गर्नेलाई सम्झाई बुझाई गर्ने र भदौ १ बाट कारबाही शुरू गरिने छ । कामपाले यसअघि २०७९ साल असोज १ गतेबाट सार्वजनिक स्थलमा धूम्रपान निषेध गरेको थियो । सो व्यवस्था कार्यान्वयन हुन नसकेको जिकिर गर्दै प्रहरी प्रमुख पाण्डेले अब कडाइका साथ निर्णय कार्यान्वयन गरिने दाबी गर्नुभयो ।
कामपाको नगरसभाको ११ औँ अधिवेशनबाट सार्वजनिक स्थलमा धूम्रपान गर्नेमाथि कारबाही गर्ने निर्णय गरेको थियो ।
सार्वजनिक स्थलमा चुरोट, बिँडी, सिगार, तमाखु, सुल्फा, कक्कड, कच्चा सुर्ती, खैनी, गुट्खा, सुर्ती वा यस्तै प्रकारका अन्य पदार्थ मुखमा राख्ने, त्यस्तो पदार्थको नसा लिने वा सेवन गर्ने कार्य निषेध गरिएको छ ।
प्रचलित कानुन, सदाचार र सार्वजनिक हित तथा भलाइका दृष्टिले सार्वजनिक स्थललाई धूम्रपान तथा सुर्तीजन्य पदार्थको सेवन नगर्ने स्थल बनाउन काठमाडौं महानगरपालिकाबाट सूचना जारी गरिएकोले यो सूचनाको उल्लंघन गरेमा सुर्तीजन्य पदार्थ (नियन्त्रण र नियमन गर्ने ऐन, २०६८ समेतका आधारमा कानुन उल्लंघन गर्ने व्यक्तिलाई सार्वजनिक स्थलबाट बाहिर निकाल्ने वा जरिवाना हुने जनाएको छ ।
.png)
Posts
