मौसम अपडेट: देशभर बदली, विभिन्न स्थानमा मध्यमदेखि भारी वर्षाको सम्भावना

आश्विन ३,

मौसम पूर्वानुमान महाशाखाका अनुसार हाल मनसुनको न्यून चापीय रेखा सरदर स्थानमा रहेकाले देशभर साधारणतया बदली मौसम छ।

आज दिउँसो कोशी, बागमती, गण्डकी र लुम्बिनी प्रदेशका पहाडी तथा तराई भूभागका केही स्थानमा मध्यम वर्षा हुने र एक–दुई स्थानमा भारी वर्षा हुने सम्भावना छ।

त्यस्तै, आज राति पनि कोशी, मधेस, बागमती र गण्डकी प्रदेशका केही स्थानमा मध्यम वर्षा र एक–दुई स्थानमा भारी वर्षा हुने पूर्वानुमान गरिएको छ।

महाशाखाले वर्षा सम्भावित भएकाले सतर्कता अपनाउन आग्रह गरेको छ।