मस्को, कात्तिक २३ गते।
रूसको दक्षिणी क्षेत्र दागेस्तानमा शुक्रबार एक निजी हेलिकप्टर दुर्घटना हुँदा पाँच जनाको मृत्यु भएको छ भने दुई जना घाइते भएका छन्।
क्षेत्रीय स्वास्थ्य मन्त्रालयका अनुसार, चार जनाको घटनास्थलमै मृत्यु भएको थियो भने अस्पतालमा उपचाररत तीनमध्ये एक जनाको पनि मृत्यु भएको पुष्टि गरिएको छ।
दागेस्तानका प्रथम उप–स्वास्थ्यमन्त्री नबी कुरायेभले अस्पताल पुगेर घाइतेहरूलाई भेटेका छन्। तीमध्ये एक जनाको अवस्था गम्भीर र अर्कोको मध्यम रहेको बताइएको छ।
दागेस्तान गणराज्यका प्रमुख सर्गेई मेलिकोभका अनुसार दुर्घटनाग्रस्त हेलिकप्टरमा कुल सात जना सवार थिए। दुर्घटनाको कारणबारे अनुसन्धान जारी रहेको स्थानीय अधिकारीहरूले जनाएका छन्।
Posts
