बिहीबार धर्मशालामा हुने भनिएको खेल स्थगन भएपछि प्रतियोगिताका आयोजकहरूले बाँकी खेलहरू तत्कालका लागि रोक्ने निर्णय गरेका हुन्। धर्मशाला जम्मुबाट २०० किलोमिटर भित्र पर्छ, जहाँ केही घण्टाअघि मात्र विस्फोट भएको थियो।
पाँच पटकको च्याम्पियन चेन्नई सुपर किङ्ग्स ले सामाजिक सञ्जाल एक्स मा लेख्दै सशस्त्र बलप्रतिको समर्थन जनाउँदै भन्यो, “प्रत्येक कदममा साहस, प्रत्येक धड्कनमा गर्व। हाम्रा सशस्त्र सेनाहरूलाई सलाम।” टिमले राष्ट्रलाई प्राथमिकता दिइएको उल्लेख गर्दै "राष्ट्र पहिले, अन्य सबै कुरा पछि" भन्ने सन्देश सार्वजनिक गर्यो।
दस टिमबीच प्रतिस्पर्धा हुने आइपिएल प्रतियोगिता मार्च २२ बाट सुरु भएको थियो। संसारकै सबैभन्दा धनी क्रिकेट लिग मानिने यस प्रतियोगितामा अष्ट्रेलियाका प्याट कमिन्स, मिचेल स्टार्क, ट्राभिस हेडलगायतका स्टार खेलाडीहरू सहभागी थिए। पूर्व कप्तान रिकी पोन्टिङ पञ्जाब टिमका प्रशिक्षकको भूमिकामा छन्।
शुक्रबारको लागि तय गरिएको लखनऊ सुपर जायन्ट्स र रोयल च्यालेन्जर्स बेङ्ग्लुरु बीचको खेल पनि स्थगनमा परेको छ। प्रतियोगिताको फाइनल मे २५ मा कोलकाताको इडेन गार्डेन रंगशालामा हुने तय थियो।
स्थगनको समाचार बाहिरिएसँगै क्रिकेट अष्ट्रेलिया ले क्षेत्रको परिस्थितिमाथि नजिकबाट निगरानी गरिरहेको बताउँदै आफ्ना खेलाडी र स्टाफहरूसँग नियमित सम्पर्कमा रहेको जानकारी दिएको छ।
यसैबीच, पाकिस्तान क्रिकेट बोर्डले पनि सुरक्षा चिन्ताका कारण आफ्नो टी२० लिगका बाँकी खेलहरू संयुक्त अरब इमिरेट्समा स्थानान्तरण गर्ने निर्णय गरिसकेको छ।
भारत र पाकिस्तानबीच सीमा तनावले गम्भीर रूप लिएको छ। दुई हप्ता अघि भारत–नियन्त्रित काश्मीरमा भएको आक्रमणको बदलामा भारतले बुधबार बिहान मिसाइल आक्रमण गरेको थियो। भारतले सो आक्रमणको दोष पाकिस्तानलाई दिएको छ भने पाकिस्तानले आरोप अस्वीकार गर्दै आएको छ।
बुधबारदेखि सुरु भएको झडपमा सीमाका दुवैतर्फ कम्तीमा ४८ जनाको मृत्यु भइसकेको भारतीय मिडियाको दाबी छ, जसले दक्षिण एशियामा दशकौँ यताकै सबैभन्दा गम्भीर सीमा तनावलाई जन्म दिएको छ।
.jpg)
.jpg)
Posts
