P
संघीय संसद्का दुवै सदनको संयुक्त बैठकमा आज उपप्रधानमन्त्री तथा अर्थमन्त्री विष्णुप्रसाद पौडेलले आर्थिक वर्ष २०८१/०८२ का लागि राजस्व र खर्चको वार्षिक अनुमान (बजेट) प्रस्तुत गर्ने कार्यक्रम रहेको छ।
संघीय संसद् सचिवालयका अनुसार संविधानको धारा ११९ अनुसार बजेट पेस गर्ने कार्यसूची तय भएको हो। संसद्का महासचिव पदमप्रसाद पाण्डेयले दिउँसो ३ बजेका लागि बैठक तय गरिएको जानकारी दिनुभएको छ।
संसद् सचिवालयले बैठक सुरु हुनु अघिनै, दिउँसो २:४५ बजे सम्म सबै सांसदलाई प्रतिनिधिसभा बैठक कक्षमा उपस्थित हुन अनुरोध गरेको छ।
संयुक्त बैठकअघि प्रतिनिधिसभाको बैठक दिउँसो १:३० बजे बस्नेछ। उक्त बैठकमा सभामुख देवराज घिमिरेले प्रधानमन्त्री तथा मन्त्रिपरिषद्को कार्यालयबाट प्राप्त कार्यभार सम्बन्धी पत्र वाचन गर्नेछन्। त्यसपछि अर्थमन्त्री पौडेलले आर्थिक वर्ष २०८२/०८३ को आर्थिक सर्वेक्षण पेस गर्ने कार्यक्रम तय भएको छ।
यस्तै, राष्ट्रिय सभाको बैठक दिउँसो १:४५ बजे बस्नेछ। बैठकमा पनि अर्थमन्त्री पौडेलले आर्थिक सर्वेक्षण सभासमक्ष प्रस्तुत गर्ने कार्यतालिका तय गरिएको छ।
.jpg)
Posts
