काठमाडौं, असार ६ ।
२१ लाख रुपैयाँ बराबरको बैंकिङ्ग ठगी मुद्दामा दुई वर्ष कैद सजाय सुनाइएका फरार प्रतिवादीलाई प्रहरीले काठमाडौंबाट पक्राउ गरेको छ ।
प्रहरीका अनुसार पक्राउ पर्ने व्यक्ति काठमाडौं महानगरपालिका–२२ निवासी तथा हाल छाउनी क्षेत्र, काठमाडौं–१३ मा बसोबास गर्दै आएका ५२ वर्षीय प्रणवलाल सिं हुन् । उनी वादी नेपाल सरकार भएको बैंकिङ्ग कसुर मुद्दामा दोषी ठहर भई लामो समयदेखि फरार थिए ।
सिंलाई खोजतलास गर्ने क्रममा मंगलबार प्रहरीले काठमाडौं महानगरपालिका–१३ छाउनीबाट पक्राउ गरी फैसला कार्यान्वयनका लागि काठमाडौं जिल्ला अदालतमा पेश गरेको हो ।
उनमाथि बैंकिङ्ग कसुर अन्तर्गत २१ लाख रुपैयाँ बिगो रकम असुल उपर गर्नुपर्ने र दुई वर्ष कैद भुक्तान गर्ने अदालतको फैसला भइसकेको थियो । अदालतको आदेश कार्यान्वयन गरी उनलाई कारागार चलान गरिने प्रहरीको भनाइ छ ।
Posts
