पोखरामा १२ लाख नगद चोरी गर्ने एक जना पक्राउ, ९ लाखभन्दा बढी रकम बरामद

पोखरा, साउन ५ — पोखरा महानगरपालिका–५ मालेपाटनस्थित दाङ भ्याली फ्रेस हाउसकी सञ्चालिका सँगिता भण्डारीको कोठाबाट नगद १२ लाख ३० हजार रुपैयाँ चोरी गर्ने अभियोगमा एक युवक पक्राउ परेका छन्।

जिल्ला प्रहरी कार्यालय कास्कीका अनुसार चोरी भएको जानकारी साउन २ गते राति ११:३० बजे प्राप्त भएपछि खटिएको प्रहरी टोलीले अनुसन्धान गर्दै जाँदा माछापुछ्रे गाउँपालिका–९ निवासी २३ वर्षीय ओम बहादुर भुजेललाई साउन ३ गते राति १०:३० बजे पोखरा–६ डिकोपाटनबाट पक्राउ गरेको हो।

भुजेलको साथबाट चोरी गरिएको रकममध्ये ९ लाख ९७ हजार ५ सय रुपैयाँ नगद र दुई थान मोबाइल बरामद गरिएको प्रहरीले जनाएको छ।

हाल उनलाई चोरी तथा डाँका सम्बन्धी कसूरमा कास्की जिल्ला अदालतबाट १० दिनको म्याद थप गरी थप अनुसन्धान भइरहेको छ।