काठमाडौं, भदौ १८ । राजधानीको पुतलीसडकमा माइक्रो बसको ठक्करबाट दुई बालबालिका घाइते भएका छन्।
पद्मोदय मोडबाट कमलादीतर्फ जाँदै गरेको बागमती प्रदेश–०१–००२ ज ८३२२ नम्बरको माइक्रो बसले सडक पार गर्दै गरेका ९ वर्षीय विवेक तामाङ र ५ वर्षीया आशिका राईलाई ठक्कर दिएको प्रहरीले जनाएको छ।
दुर्घटनामा गम्भीर घाइते विवेकलाई अन्नपूर्ण न्युरो अस्पतालमा भेन्टिलेटरमा राखेर उपचार भइरहेको छ भने आशिकाको काठमाडौं मोडल अस्पतालमा उपचार भइरहेको छ।
सो दुर्घटनापछि बस चालक २९ वर्षीय रामहरि विष्टलाई प्रहरीले नियन्त्रणमा लिएर आवश्यक अनुसन्धान अघि बढाएको छ।
Posts
