सोलुखुम्बुमा बोलेरो जिप दुर्घटना, तीन जनाको मृत्यु, छ जना घाइते

कात्तिक ७ गते ।

सोलुखुम्बुको माप्य दूधकोशी गाउँपालिका–६ भिरकुनामा बोलेरो जिप दुर्घटना हुँदा तीन जनाको घटनास्थलमै मृत्यु भएको छ।

महाकुलुङ गाउँपालिकाका लागि छुटेको प्रदेश नम्बर १–०३१ च ५९२५ नम्बरको बोलेरो जिप बिहीबार साँझ दुर्घटनामा परेको जिल्ला प्रहरी कार्यालय सोलुखुम्बुले जनाएको छ।

दुर्घटनामा छ जना घाइते र दुई जना सकुशल रहेका छन्।

प्रहरीका अनुसार जिप ब्रेक फेल भएर करिब ६ सय मिटर तल खसेको हो।

जिपमा सवार सबैजना सोलुखुम्बुको महाकुलुङ गाउँपालिकाका बासिन्दा हुन्।

मृत्यु हुनेमा —

• १६ वर्षीया हवी राई,
• २० वर्षीया शान्ति राई,
• १७ वर्षीया निर्जला राई —

• तीनै जना महाकुलुङ गाउँपालिका–३, छेस्कामका रहेका छन्।

घाइते हुनेमा —

• ३२ वर्षीय श्रीध्वज राई (महाकुलुङ–३)

• १६ वर्षीय गङ्गा राई (महाकुलुङ–४)

• १८ वर्षीय बस्तीकला राई

• १६ वर्षीय समया राई

• सजना राई

• १० वर्षीय उमेश राई — रहेका छन्।

प्रहरीका अनुसार घाइतेहरूलाई जिल्ला अस्पताल फाप्लुमा उपचारका लागि पठाइएको छ भने मृतकहरूको शव महाकुलुङ अस्पतालमा राखिएको छ।

घटनाको थप अनुसन्धान भइरहेको जिल्ला प्रहरी कार्यालय सोलुखुम्बुले जनाएको छ।