स्याङ्जा । जवरजस्ती करणी मुद्दामा फरार रहेका एक युवकलाई प्रहरीले पक्राउ गरेको छ ।
जिल्ला स्याङ्जा वालिङ नगरपालिका–१४ पेखुदेउराली निवासी २५ वर्षीय सागर खवासलाई प्रहरीको विशेष अपरेसन टोलीले पक्राउ गरेको हो। प्रहरीका अनुसार उनीमाथि २०८१ साल वैशाख १४ गते रातिको समयमा परिवर्तित नाम “०८१/०८२ वालिङ D” लाई जबरजस्ती करणी गरेको आरोपमा मुद्दा दर्ता गरिएको थियो।
मुद्दा दर्ता भएपछि फरार रहेका उनलाई वालिङ नगरपालिका–१ ओडारे क्षेत्रमा लुकिछिपी बसेको अवस्थामा २०८२ साल असोज १ गते वडा प्रहरी कार्यालय वालिङबाट खटिएको विशेष टोलीले पक्राउ गरेको प्रहरीले जनाएको छ।
प्रहरीका अनुसार पक्राउ परेका अभियुक्तलाई आवश्यक कानूनी प्रक्रिया अघि बढाइँदै थप अनुसन्धान भइरहेको छ।
Posts
