कास्कीमा स्वतन्त्र पत्रकार संघको १४औँ स्थापना दिवस मनाइएको छ। स्वतन्त्र पत्रकार संघ कास्की शाखाको आयोजनामा पोखरा महानगरपालिका स्थित मानव अधिकारचोकमा आइतबार दीप प्रज्वलन गरी दिवस मनाइएको हो।
शाखा अध्यक्ष डिल्ली राम काफ्लेको अध्यक्षतामा आयोजित कार्यक्रममा संघका संस्थापक अध्यक्ष कृष्ण बास्तोला लगायत विभिन्न स्वतन्त्र पत्रकारहरूको सहभागिता रहेको थियो। कार्यक्रममा उपस्थित पत्रकारहरूले दीप प्रज्वलन गर्दै पत्रकारिताको स्वतन्त्रता, निष्पक्षता र जिम्मेवार पत्रकारिताको महत्वबारे चर्चा गरेका थिए।
कार्यक्रमलाई सम्बोधन गर्दै वक्ताहरूले लोकतन्त्रको सुदृढीकरणका लागि स्वतन्त्र पत्रकारिताको भूमिका अत्यन्त महत्वपूर्ण रहेको बताएका थिए। उनीहरूले सत्य र तथ्यमा आधारित समाचार सम्प्रेषणमार्फत समाजलाई सही दिशातर्फ डोर्याउन पत्रकारहरूले जिम्मेवार भूमिका निर्वाह गर्नुपर्नेमा जोड दिएका थिए।
संस्थापक अध्यक्ष कृष्ण बास्तोलाले स्वतन्त्र पत्रकार संघले स्थापना कालदेखि नै पत्रकारहरूको हकहित, पेशागत मर्यादा र स्वतन्त्र अभिव्यक्तिको पक्षमा निरन्तर आवाज उठाउँदै आएको बताए। उनले बदलिँदो सञ्चार परिवेशमा पत्रकारहरूले अझ जिम्मेवार र पेशागत आचरणलाई आत्मसात् गर्दै अघि बढ्नुपर्ने धारणा व्यक्त गरे।
कार्यक्रमका अध्यक्ष डिल्ली राम काफ्लेले स्वतन्त्र पत्रकार संघले पत्रकारहरूको पेशागत अधिकार संरक्षण, क्षमता अभिवृद्धि तथा पत्रकारिताको गरिमा कायम राख्ने दिशामा निरन्तर काम गर्दै आएको बताए। उनले आगामी दिनमा पनि संघलाई थप सशक्त बनाउँदै पत्रकारहरूको हितमा विभिन्न कार्यक्रम सञ्चालन गरिने उल्लेख गरे।
दिवसका अवसरमा उपस्थित पत्रकारहरूले पत्रकारिताको विश्वसनीयता कायम राख्दै समाजमा सत्य र निष्पक्ष सूचना प्रवाह गर्ने प्रतिबद्धता व्यक्त गरेका थिए। कार्यक्रममा सहभागीहरूले दीप प्रज्वलन गर्दै पत्रकारिताको स्वतन्त्रता र पेशागत एकताको सन्देश दिएका थिए।
.png)
.png)
Posts
